X
تبلیغات
رایتل
شنبه 13 مرداد‌ماه سال 1386 ساعت 10:28 ق.ظ

حاجی رضوان [حاجی ریضوان]

 

ای منیم داغلاروم واقاروم جانوم [ائی منیم داغلاریم، ویقاریم، جانیم]

ای گوزل آق داشله حاجی رضوانوم [ائی گٶزه ل آغ داشلی حاجی ریضوان′یم]

طوفان ویره بیلمز سیزلره تکان [توفان وئره بیلمه ز سیزلره تکان]

بولوتلار ایله ییب باشیندا مکان [بولوتلار ائیله ییب باشیندا مکان]

....

 

[حاجی ریضوانHacı Rizvan ]

 

حاجی رضوان

 

حاجی رضوان جیرانلاری گلنده [حاجی ریضوان جئیرانلارین گله نده]

مقبره نی تورپاخلارون الی انده [یاتیرینین تورپاقلارینی اله یه نده ]

سوت ساقدوروب اونه پالچوخ ادنده [سوت ساغدیریب اونو پالچیق ائده نده ]

گوزل ایاخلارلا اونه یوغورسون [گٶزه ل آیاقلارلا اونو یوغورسون ]

سونرا سنین مقبره نی یاپولسون [سونرا سنین یاتیرین یاپیلسین ]

 

سیل بولاغه ذیگیللره سیلاندا [قایان بولاغی زیییللری سیله نده]

سولار ویستان بولاغوندان آخاندا [سولار ویستان بولاغیندان آخاندا]

پوینا تره دوره سینده چیخاندا [یارپیز تره سی چئوره سینده چیخاندا]

بیز گلردیک زیارته حاج رضوان [بیز گله ردیک گٶروشه حاج ریضوان ]

بیز چیخردیک سیاحته حاج رضوان [بیز چیخاردیق گزینتییه حاج ریضوان ]

 

چولده یلمیک زاد یریندن چیخاندا [چٶلده یئلمیک نمه یئریندن چیخاندا]

توکلوجه داغدا گول ایدن زاماندا [توکلوجه داغدا چیچکله نه ن چاغدا]

توله کچلین ریشه سی دولاندا [توله کچلین کٶکو دولاندا] [٥]

بیز گلردیک زیارته حاج رضوان [بیز گله ردیک گٶروشه حاج ریضوان]

بیز چیخردیک سیاحته حاج رضوان [بیز چیخاردیق گزینتییه حاج ریضوان]

 

گدیگی اوچ بویوک پیچه واریده [گدییین اوچ بٶیوک دٶنگه سی وار ایدی]

او پیچ، دولانماقا چوخ دا دار ایده [او دٶنگه، دولانماغا چوخ دا دار ایدی]

سواره یا پیاده نابار ایده [اوراتلی یا یایا دارقینج ایدی] [٦]

بیز گلردیک زیارته حاج رضوان [بیز گله ردیک گٶروشه حاج ریضوان]

بیز چیخردیک سیاحته حاج رضوان [بیز چیخاردیق گزینتییه حاج ریضوان]

 

ورد دلیگه [ورد دلیییVərd Dəliyi ]

 

ورد دلیگه هاواسونا گلمیشدیک [ورد دلییی هاواسینا گلمیشدیک]

اونی صاف تیز قیه سینه چیخمیشدیک [اونون دوز، یالمان قایاسینا چیخمیشدیق]

بیر قیه دن سیریلیب و دوشموشدیک [بیر قایادان سییریلیب و دوشموشدوق]

اوندان سورا قار قالانه گورموشدیک [اوندان سونرا قارقالان′ی گٶرموشدوک ]

چیخیب بیر آز اوردا نفس آلموشدیک [چیخیب بیر آز اوردا سولوق آلمیشدیق]

 

قارقالاندا مینلر گوگرچین وارده [قارقالاندا مینلر گٶیه رچین واردی]

ایاق آسته خلوار خلوار کووایده [آیاق اوسته خالوار خالوار تزه ک ایدی] [٧]

چیخیب اوردان بوووس یولون گوزلردیک [چیخیب اورادان بووس یولونو گٶزله یه ردیک]

بیر موتورچون گدیگه جک ایزلردیک [بیر موتورچون گدییه جه ک ایزله ردیک]

 

باخا باخا گیددیم قدیم زامانا [باخاباخا گئتدیم اسکی چاغا]

عالام دیزه م گیلنن گلمیشدیک داغا [خالام ؟، تئیزه م گیلنه ن گلمیشدیک داغا]

اششکلره یوکلیییب و مینمیشدیک [ائششه کلری یوکله ییب و مینمیشدیک ]

خرره آغاج ایاقینده دوشموشدوک داغداغان آغاجی آیاغیندا دوشموشدوک] [٨]

 

ابوالحسن بیزیم چرخه گوتورده [ابیلحسن بیزیم یئل آتینی گٶتوردو]

اونا مینیب بیردن اوزون ایتیرده [اونا مینیب بیردن اٶزون ایتیردی ]

چرخ الیندن چیخده، کوچیه قاشده [یئل آتی الیندن چیخدی، گئچییه قاچدی]

یره دوشده، آغزه قانا بولاشده  [یئره دوشدو، آغزی قانا بولاشدی ]

 

بتول باجی باشوندا چوخ آغلاده  [بتول باجی باشیندا چوخ آغلادی ]

بیزه بیر جیغیرده، قارقوش ایلده  [بیزه بیر چیغیردی، قارقیش ائیله دی ]

منیم شانسوم اوزومدن تیزتر گیدر [منیم اوتوموم اٶزومدن یئیین ره ک گئده ر]

کیم منیم دادام جوابونه ویرر؟ [کیم منیم دده مین یانیتینی وئره ر؟]

 

[یئل آتیYel Atı ]

(دوچرخه)

 

دوچرخه نین دوشققه سی سیننده [یئل آتینین ؟ سی سیناندا] [٩]

اکبر قارداش گلیب اونه گورنده  [اکبر قارداش گلیب اونو گٶره نده ]

دادام بیزه او تقصیره اولدورار  [دده م بیزی او سوچا اٶلدوره ر]

آمما اکبر اونی گیزلین دوزالدار [آنجاق اکبر اونو گیزلین دوزه لده ر ]

 

دوچرخه ده بیزه داستان اولموشده  [یئل آتی دا بیزه سورچک اولموشدو]

ذبیح عزت اونا حیران قالموشده [ذبیح عیززت اونا چاشقین قالمیشدی]

اکبر هرگون اونا بیر زاد تاخارده [اکبر هر گون اونا بیر نمه تاخاردی]

پول دادامی جیبلریندن چیخارده [آقچا دده مین یانجیقلاریندان چیخاردی]

 

بیر گون تزدن دادام چرخه گوتورده [بیر گون ائرکه ندن دده م یئل آتینی گٶتوردو]

باخده گورده یول گیدمیره، اوتورده  [باخدی گٶردو یول گئتمیری، اٶتوردو ]

اکبر چرخه بیرجه قوفول وورموشده [اکبر یئل آتینا بیرجه ایشگیل وورموشدو]

داد ایلدی، او یوخودان دورموشده [چیغیردی، او یوخودان دورموشدو]

 

ساره کیلید اکبر داداما ویرده [ساری آچاری، اکبر دده مه وئردی]

دادام قوفله آچده، گنه جیغیرده [دده م قیفیلی آچدی، گنه چیغیردی]

قوفله چرخدن سوکده، قیراقا آتده [قیفیلی یئل آتیندان سٶکدو، قیراغا آتدی]

ویرده منه، ذبیح گیله یوللاتده [وئردی منه، ذبیح گیله یوللاتدی]

 

ذبیح گیله بیر کوچه دن گیچردیم [ذبیح گیله بیر گئچیکدن گئچه ردیم]

ایکی دانا بویوک ایتدن قورخادوم [ایکی سانی  بٶیوک ایتدن قورخاردوم]

بیره مشه مامود قارا ایتیندن  [بیری مش مامودون قارا ایتیندن]

بیره عابباس گیلی، داما باخاردوم  [بیری عابباس گیلین، داما باخاردیم]

 

من قوفوله عزت گیله آپاردوم  [من قیفیلی عیززت گیله آپاردیم]

شرم ایلیه اونه دالیا وردیم [اوتاناراق اونو دالییا ووردوم]

دادام چرخه مینیب کدلره گیدده [دده م یئل آتینا مینیب کندلره گئتدی]

اکبر عزا توتده، قاپونه وورده [اکبر یاس توتدو، قاپینی ووردو]

 

[دایی اوغلولاریم Dayıoğlularım ]

 

(پسر دایی هایم)

 

من و ناصر، حسین اینان مینمیشدیک [من و ناصیر، حوسئین اینه ن مینمیشدیک]

قارا موتورونان داغا گیدمیشدیک [قارا موتورونان داغا گئتمیشدیک]

موتوره حاجی ایپک گیله قویموشدیک [موتورو حاجی ایپه ک گیله قویموشدوق]

اوردان یرده بیز ویستانا چیخمیشدیک [اوردان یئرده بیز ویستان′ا گئتمیشدیک]

 

حسین بیردن قیه لردن سیریلده [حوسئین بیردن قایالاردان سییریلدی ]

سیریلدی و ال ایاقی قیریلده  [سییریلدی و ال آیاغی قیریلدی ]

یددی سککیز متیر دوشده جیغیرده [یئددی سککیز مئتیر دوشدو، چیغیردی ]

داش تورپاغی شیرین دیلده سوگورده [داش تورپاغی سوچون دیلده سٶیوردو]

 

حسین داغدان دوشده، یولدان قیددیک [حوسئین داغدان دوشدو، یولدان قاییتدیق ]

آخسیا آخسیا تکیه یه گلدیک [آخسایا آخسایا تکیه یه گلدیک ]

گیددیک یاواش یاواش موتور باشونا [گئتدیک یاواش یاواش موتور باشینا]

میندیک اوچ ترکه له موتور قاشونا [میندیک اوچ تره که لی موتور قاشینا]

 

گوردیک  موتور گازه خراب اولوبده [گٶردوک موتور اوچونو پوزولوبدور]

سیمی قریلیب تکیه سسدن دولوبده  [تئلی قیریلیب، تکیه سسدن دولوبدور]

باخ گور نجه بو امانت قالوبده  [باخ گٶر نئجه بو بیروووز قالیبدیر]

بیزدن قاباخ باشونا اوشاخ قونوبده [بیزدن قاباق، باشینا اوشاق قونوبدور]

 

تکیه ده Təkyədə

 

بیرگون یقیلدیک رفیقلر باهارا [بیر گون ییغیلدیق آرخاداشلار یازا]

هر کس بیر وسیله داغا آپارا [هر کس بیر آراج داغا آپارا]

یحیی، عطا، ذبیح میسگر گلمیشده [یحیا، عطا، ذبیح پاخیرچی گلمیشدی]

بیزیم اکبر منی ده آپارموشده  [بیزیم اکبر منی ده آپارمیشدی]

 

ذبیح بیر گرامافون گتیرمیشده  [ذبیح بیر قیرامافون گتیرمیشدی]

بیر ینگه صفحه تهراندان چاتموشده [بیر یئنگی پیلاک تئهران′دان چاتمیشدی]

شب میگون، شب میگون اوخورده ["شب-ی مئیگون"، "شب-ی مئیگون" اوخوردو]

قونشه قیزه بیر قالیچه توخورده [قونشو قیزی بیر قالیچا توخوردو ]

 

***

 

بیزیم عم جان موتور هشتاد آلموشده [بیزیم آباقا جان موتور سکسه ن ؟ آلمیشدی] [١٠]

اوغله عبدوللانی دا میندیرمیشده [اوغلو عبدوللانی دا میندیرمیشدی]

گلدی بیزیم قاپویا یاد ایلده [گلدی بیزیم قاپییا، آندی]

منی ده میندیرده دلشاد ایلده [منی ده میندیردی، سئویندیردی]

 

دالونا دا بیر آغ خورجون آلموشده [دالینا دا بیر آغ خورجون آلمیشدی ]

ایچینه ده ساره فلاکس قویموشده [ایچینه ده ساری فیلاکس قویموشدو]

گیددیک تکیه ده کولگه ده دوشدیک [گئتدیک، تکیه ده کٶلگه ده دوشدوک]

گول قیراقوندا بیز چایولار ایشدیک [گٶل قیراغیندا بیز چایلار ایچدیک ]

 

سوگود آغاجونی آستوندا اوتدیک [سٶیود آغاجینین آستیندا اوتوردوق ]

چای ایچه رک فلاکسه بیز بوشاددیک [چای ایچه ره ک فیلاکسی بیز بوشالتدیق]

گول ایچینده مرغابیلر اوزورده [گٶل ایچینده اٶرده کلر اوزوردو ]

جوجه لرین اوز دالونا دوزورده [بالالارینی اٶز دالینا دوزوردو]

 

بیر گوشه دن کریز سویه گیریرده [بیر بوجاقدان آستارخ سویو گیره ردی]

بیر قیز اوخورایا سو دولدورورده [بیز قیز اوخویاراق؟ سو دولدوروردو]

ناهار اوچون نومورتا بیشیرمیشده [آشار اوچون یومورتا پیشیرمیشدی]

کد کره سی اونا قاتوب یمیشده [کند کره سی اونا قاتیب یئمیشدی ]

 

نه خوشمزه ناهار اوگون بیز ییدیک [نه دادلی آشار او گون بیز یئدیک]

اللریز وار اولسون هر کسه دیدیک [اللرینیز وار اولسون هر کسه دئدیک]

 

داغا گیدمک Dağa Getmək

 

باهار، اکین درماقا چوخ قالاندا [یاز، اکین درمه یه چوخ قالاندا]

بیر آز ایشلر یونگول اولان زاماندا [بیر آز ایشلر یونگول اولان چاغدا ]

کندله هامه اششکلره یوکلرده [کندلی هامی ائششه کلری یوکله ردی]

آروات اوشاقونان داغا گیدرده [آرواد، اوشاغینان داغا گئده ردی ]

 

مشه نقی دوچرخه سین مینه رده [مشه ناقی یئل آتینی مینه ردی]

یولی انین بویون بیردن گیدرده [یولون انینی، بویونو بیردن گئده ردی]

باش یوخاری یولدا رکاب وورارده  [باش یوخاری یولدا باساریق ووراردی]

زنگه چالوب قودوقه هورکودرده [زنگی چالیب، قودوغو هورکوده ردی ]

 

خرمن سورماق [اٶرتکون ساوورماقÖrtkün Savurmaq ]

 

اهمن بهمن ده یر نفس چکرده [اهمن-بهمن′ده یئر سولوق آلاردی] [١١]

بیز گیدردیک خرمنه باسدوراردیک [بیز گئده ردیک اٶرتکونو باسدیراردیق] [١٢]

ایاقلاردیک و دام داشه سوراردیک [آیاقلاردیق و دام داشی سوره ردیک] [١٣]

یای اولاندا اورا اکین توکردیک [یای اولاندا، اورا اکین تٶکه ردیک ]

 

اکین بیچماخ تامام باشا گلرده  [اکین بیچمک بوتون باشا گله ردی]

خرمنی تپه سی گوگه گلرده  [اٶرتکونون تپه سی گٶیه گله ردی]

بیر جوت سغیر قونشودان بورج ایلرده [بیر قوشا سیغیر قونشودان بورج ائیله ردی]

جوته قوشوب خرمنلره سوررده [یووالاغا قوشوب اٶرتکونلری سوره ردی]

 

بیر ور آچوب اوستونه چان قویاردیک [بیر ور آچیب اوستونه چان قویاردیق]

بیز اوشاقلار اوردا چانا مینردیک [بیز اوشاقلار اوردا چانا مینه ردیک]

یانونا دا بیر خاکانناز آلاردیک  [یانینا دا بیر کول آتان آلاردیق]

سغیرلر آغزونا بوخاو ووراردیک [سیغیرلار آغزینا بوخاو ووراردیق ]

 

سغیر اگر بوغدا ییسه مرگ اولور [سیغیر آبارن بوغدا یئسه، اٶلوم اولور]

گیدر چوخ سو ایچر، جوانمرگ اولور [گئده ر چوخ سو ایچه ر، گنجکن اٶلور]

الیمیزدا بویوک گووران آلاردیک [الیمیزه بٶیوک بیزلانقیج آلاردیق] [١٤]

بوغدا یین سغیره بیز ووراردیک [بوغدا یییه ن سیغیرا بیز ووراردیق]

 

سغیرلره بابام چاندان آچارده [سیغیرلاری آتام چاندان آچاردی]

سووارماقا بیزه گوله یوللارده [سووارماغا بیزی گٶله یوللاردی ]

بیز ده گوله گیدیب بالوخ توتاردیک [بیز ده گٶله گئدیب، بالیق توتاردیق ]

گج قایدیب اوندان کوتک یییردیک [گئج قاییدیب، اوندان کٶته ک یییه ردیک ]

 

[ساراب یٶره سی آغیتی Sarab Yörəsi Ağıtı ]

(تعزیه محله سراب)

 

بیزیم محلله ده شبیه چیخرده [بیزیم یٶره ده اوخشاق چیخاردی]

قیه خانوم یرینه سوپوررده [قایاخانیم یئرینی سوپوره ردی]

بیز آغلاردیک ، دادام ایمام اولارده [بیز آغلاریدق، دده م باشرا اولاردی]

اکبرآقا، ایمام باشون کسرده [اکبر آقا، باشرانین باشین کسه ردی]

 

کوچه دن بیر گچه شاققه آلاردوم  [گئچیکدن بیر گئچی بوینوزو آلاردیم] [١٥]

اله اکبر دییب حمله ادردیم [آللاه اکبر دیییب یوگوروش ائده ردیم]

شیمیر کیمی اوشاخلارا قزاردوم [شیمیر کیمی اوشاقلارا قیزاردیم ]

دادام تکه شیمیرلره ووراردوم [دده م تکی، شیمیرلره ووراردیم ]

 

قیه ماممد زینب گیریب آغلارده [قایا ماممد زئینب آغلاردی]

مشه رمض حمزه جیگر داغلارده [مشه رمض حمزه باغیر داغلاردی]

از بس او گون مشه رمض آغلاده [او گون مشه رمض او دنلی آغلادی کی]

تامام خلخی گوینون اوگون داغلاده [بوتون ائلگونون گٶیلونو او گون داغلاردی ]

 

گول ایچه شبیه سی [گٶل ایچی اوخشاغی Göl içi Oxşağı]

 

بیر ایککی پی گول ایچینه گیدمیشدیک [بیر ایکی یول گٶل ایچینه گئتمیشدیک] [١٦]

اولار شبیه لرینه ده باخموشدیک [اونلارین اوخشاقلارینا دا باخمیشدیق]

آمما بیزیم شبیه آیری شبیه ده [آنجاق بیزیم اوخشاق آیری اوخشاق دی]

بیزیم شیمیر سسه آیری سسیده [بیزیم شیمیر سسی آیری سس ایدی ]

 

میرز نبو الله اوردا ایمام اولارده [میرزه نبوللاه اورادا باشرا اولاردی]

عزت اوللا سسی میدان دولارده [عیززتوللا سسی، آرالی دولدوراردی]

عل اکبرخان زینب تکی گلرده [عل اکبر خان زئینب تکی گله ردی ]

رباب کیمین اصغرینی بلرده [روباب کیمی اصغرینی بله ردی ]

 

ایمام آتا مینیب گوزدن ایترده  [باشرا آتا مینیب گٶزدن ایته ردی ]

اونه اصغرینان لشگر گوررده [اونو اصغرینه ن اوردو گٶره ردی]

حرمله آدله بیر کافر آتارده [حرمله آدلی بیر اٶرتگه ن آتاردی]

بیر بویوک اوخ بوغازونا دگرده [بیر بٶیوک اوخ، بوغازینا ده یه ردی ]

 

ایمام آتدان انیب خیمه دالوندا [باشرا آتدان انیب خرگه دالیندا]

اصغرینه تورپاقا تاپشورارده [اصغرینی تورپاغا تاپشیراردی]

آمما بیزیم شبه آیره شبیه ده [آنجاق بیزیم اوخشاق آیری اوخشاق دی]

عزت اوللا سسه قشنگ سسیده [عیززتوللا سسی، قشنگ سسی ایدی]

 

خیمه لره اوت ووردولار Çadırlara Ot Vurdular

 

مسجد قاباقوندا شبیه اولارده [یوکونله ک قاباغیندا اوخشاق اولاردی]

او میدانچا ملت اینن دولارده [او آرالجیق ائل گونونه ن دولاردی]

بیر طرف کیشیلر بیر طرف آرواد [بیر یاندا کیشیلر، بیر یان آرواد]

ایپکعلی دامونا دا چیخرده [ایپه ک علی دامینا دا چیخاردی]

 

اورتادا بیر بویوک خیمه قورولموش [اورتادا بیر بٶیوک خرگه قورولموش]

مسجددن ده آغاج منبر گلرده [یوکونله کدن ده آغاج تومسه گله ردی]

دادام ایمام اولوب منبره چیخده  [دده م باشرا اولوب، تومسه یه چیخدی]

آمما شیمیر گلیب خیمه نی یخده [آنجاق شیمیر گلیب، خرگه نی باشینا ییخدی]

 

نبوللا دا خیمیه اوت وورارده [نبوللا دا خرگه یه اود ووراردی]

ترکه الده اوشاخلاره قووارده [ترکه الده اوشاقلاری قوواردی]

من ده او زامانلار اوشاق اولاردوم  [من ده او چاغلار اوشاق اولاردیم]

ایمام خیمه سینده قانا بولاردوم [باشرا خرگه سینی قانا بولاردیم]

 

خیمه لره اوت ووراندا قاچوردوم [خرگه یه اود ووراندا قاچیردیم]

عاشورادا قیچچیم بیر داشا توتده [اونجادا قیچیم بیر داشا توتولدو]

یخیلدیم و هوشدان گیددیم بیر آندا [ییخیلدیم و باییلدیم بیر قیرپیمدا]

نبی گلیب باشوم اوستونده دورده [نبی گلیب باشیم اوستونده دوردو]

 

ابن سعد بیر دسته ترکه الینده [ایبن سعد بیر توتام ترکه الینده]

گلیب منیم باشوما های وورورده [گلیب منیم باشیما های ووروردو]

عزیز اصغر منیم دادوما چاتده [سئویملی اصغر منیم هاراییما چاتدی]

یردن قووزاده، یو مسجده گوتده [یئردن قاوزادی و یوکونله یه گٶتوردو]

 

قیه گوله [قایا گولوQaya Gülü ]

 

قیه گوله گه لین آتونا میننده [قایا گولو گلین آتینا مینه نده]

اوشاق اودوم، اونون دالونا میندیم [اوشاق ایدیم، اونون دالینا میندیم]

گادومنان دا یحیی گیله گیدردیم [آراسیرا دا یحیا گیله گئده ردیم] [١٧]

پنجره ده آق پرده لر گورردیم [آغیزقادا آغ یاشیرقالار گٶره ردیم]

 

قیه گوله پرده لره تیکمیشده [قایا گولو یاشیرقالاری تیکمیشدی]

اوستونه ده گول باغچاسه توخموشده [اوستونه ده چیچه ک باخچاسی توخوموشدو]

نچه اوشاق دوغده هیچ بیر قالماده [نئچه اوشاق دوغدو، هئچ بیری قالمادی]

یحیی اوچون سالوم قالان اولماده [یحیا اوچون ساغلام قالان اولمادی]

 

یحیی دا بیر قز سوماووردان آلده [یحیا دا بیر قیز سوماوور′دان آلدی]

گلده قیه گولینن اووده قالده [گلدی قایا گولوینه ن ائوده قالدی]

قیه گوله جاوان جاوان سوقولده [قایا گولو گنج گنج سولدو] [١٨]

بیر گیجه ده گوزون باغلاده اولده [بیر گئجه ده گٶزونو باغلادی، اٶلدو]

 

[سنه کچیلیکSənəkçilik ]

کوزه گری

 

قوربان دایه دامنا دوواخ چکرده  [قوربان دایی دامینا دوواق چکه ردی]

عم جانوما ده یانونا آلارده [آباقا جانیمی دا یانینا آلاردی]

تزدندن آخشاما دوواخ اوینرده [ائرکه ن دن آخشاما دوواق اویناردی] [١٩]

تقی بابام باخارده غور وورارده [تاقی آتام باخاردی، دئیینه ردی]

 

بیزیم بابام کوزه گرلیک ایدرده [بیزیم آتا سنه کچیلیک ائده ردی]

کوزه نه بیر بویوک اوتاقا یه قرده [سنه یی بیر بٶیوک اوتاغا ییغاردی]

اکبر گیدیب کوزه لره ده لرده [اکبر گئدیب، سنه کلری دله ردی]

بابام دلیکلره توتوب گوله رده [آتام دلیکلری توتوب، گوله ردی ]

 

چولمک چاناق دا اوردا دوزه لرده [چٶلمه ک چاناق دا اورادا دوزه له ردی ]

دووله کوزه کولدور قه ییری لرده [قووا، سنه ک، کولدور قاییریلاردی] [٢٠]

هاموسه دوزه لیب آنبار دولاندا [هامیسی دوزه لیب، ییغاق دولاندا]

کوره ده دوزولوب سورا بی شرده [کوره ده دوزولوب، سونرا پیشه ردی]

 

[قیرخ قیز ساخلیسی Qırx Qız Saxlısı ]

(پادگان چهل دختر)

 

سحر اولوب خوروزلار باینییاندا [دان اولوب خوروز بانلایاندا]

ساخساققانلار گلیب ساققوللیاندا [ساخساغانلارگلیب ساققیللایاندا] [٢١]

نه نه م اونا خیره خبر دیندا [ننه م اونا ایییره ک سالیق دییه نده]

اوغلوم تویوندا بوغارسوق آتاندا [اوغلوم تویوندا باغیرساق آتاندا] [٢٢]

 

اکبر قارداش چل دوختردن گلنده [اکبر قارداش قیرخ قیزدان گله نده]

الین کت آستوندا دالونا قویاندا [الین آرخالیق آستیندا دالینا اویاندا]

قیزلر اونی بوی بوسولونا باخسون  [قیزلار اونون بوی بوخونونا باخسین]

اکبره دی قیزیل ساحاتون تاخسون [اکبره دئی، قیزیل چولازیغین تاخسین]

 

دادام دامنا قارلاره کوریینده  [دده م دامدان قارلاری کوره یه نده ]

من کوچه ده سحردن یوریینده [من گئچیکده داندان یورویه نده]

منه باخوب دامنا تقلید ایدیرده  [منه باخیب، دامدا یانسیلایاردی]

ابوالمعصیم اونا باخوب گولورده [ابیلمعصیم اونا باخیب گوله ردی]

 

[قایان تک یاغیشQayan Tək Yağış ]

(باران سیل آسا)

 

بیر گون ناهار ننه م چورک یاپورده  [بیر گون اٶیله ن ننه م چٶره ک یاپیردی]

تننیردن تاززا چورک چاقادورده [تندیردن آجر چٶره ک چیخاردیردی]

بیز ناهارا نومورتا بیشیرمیشدیک [بیز آشارا یومورتا پیشیرمیشدیک]

سوفره سالوب هر زاده گتیرمیشدیک  [ترگی سالیب هر نمه یی گتیرمیشدیک]

 

اکبر آقا شیمیر بیزه گلمیش ده [اکبر آقا شیمیر بیزه گلمیشدی]

او سوفره کناروندا اوتورموشده [او ترگی قیراغیندا اوتورموشدو]

یوخاره چولده بیر زمینه وارده  [یوخاری چٶلده بیر تارلاسی واردی]

زمینه اکماقا شریک تاپورده [تارلانی اکمه یه اورتاق تاپیردی]

 

بیردن بولوت گلدی و شاققوللاده [بیردن بولوت گلدی و شاقییلدادی]

منیم کوچوک زهره مه ده پاتلاده [منیم کیچیک اٶدومو ده پاتلاتدی]

بیر یاقوش باشلاده سیللر کیمی ده [بیر یاغیش باشلادی، قایانلار کیمی ایدی]

انگار دامنان داشدان سیللر آخورده [سانکی دامدان داشدان قایانلار آخیردی]

 

بیز ناهاری یاروسونه ییمیشدیک  [بیز ایکیندی آشین یاریسینی یئمیشدیک]

اکبرآقایه دا بویور دیمیشدیک [اکبر آقایا دا بویور دئمیشدیک]

بیر تیکه ده اکبرآقا ییمه ده  [بیر تیکه ده اکبر آقا یئمه دی]

بیر کلمه ده من ییمیرم دیمه ده [بیر دئگی ده من یئمیره م دئمه دی]

 

کوچه دن بیر نفر بیردن چاقورده [گئچیکدن بیر نفر بیردن چاغیردی]

محکم بیزیم قاپون چالده، باقورده [برک بیزیم قاپینی چالدی، باغیردی ]

اوی موسه ییب سیل کوچه لره آلده [اوی موسه ییب، قایان گئچیکلری آلدی]

تیز یتیشی سو اوویزه یقیلده [ترک یئتیشین، سو ائویزه ییغیلدی ]

 

دوردیک قاچدیک بیله کولنگه گوتدیک [دوردوق قاچدیق، بئلی، کولونگو گٶتوردوک ]

حاصار قاپسوندا بیر بویوک آرخ آچدیک [هٶرو قاپیسیندا بیر بٶیوک آرخ آچدیق]

قازدیک، تورپاخلاره بیر یانا توکدیک  [قازدیق، تورپاقلاری بیر یانا تٶکدوک ]

سیل قاباقون تورپاغونان باغلادیک [قایان قاباغینی تورپاغینان باغلادیق ]

 

[خودابخشی قایانیXudabəxşi Qayanı ]

سیل خدابخشی

 

ننه م هنوز ایواندا اوتورورده [ننه م هله آیازلیقدا اوتوروردو]

بیزیم اوچون تاززا چورک یاپورده [بیزیم اوچون آجر چٶره ک یاپیردی]

قاچچا قاچچا گیددیم باباملار گیله [قاچا قاچا گئتدیم آتاملار گیله ]

باخام گورم اورا سیل زاد گلمیه [باخام گٶره م اورا قایان نمه گلمه یه]

 

او کوچه ده بیر دانا سیلگا وارده  [او گئچیکده بیر سانی قایانلاق وار ایدی] [٢٣]

اگرچه سیل یوله اولاردا دارده  [گرچی قایان یولو اولاردا دار ایدی]

حاجه راضا باغ دووارون چکمیشده  [حاجی ریضا یئمیشلییینه قاناسینی چکمیشدی]

دووار چکوب سیل یولونه توتموشده [قانا چکیب، قایان یولونو توتموشدو]

 

سیل گلمیشده اوز یولونه آچموشده  [قایان گلمیشدی، اٶز یولونو آچمیشدی ]

خولبون خراب اولوب دووار یخمیشده [سواولوغو داغیلیب، قانانی ییخیلمیشدی] [٢٤]

سو نادعلی دووارونا دایانده  [سو نادعلی قاناسینا دایاندی]

سو مند اولده، یوخاریا قووزانده  [سو بند اولدو، یوخارییا قاوزاندی]

 

بیر مدتی دووار داوام گتیرده  [بیر سوره قانا دیره ندی]

سورا سو اونی گوجونه بیتیرده [سونرا سو اونون گوجونو بیتیردی ]

دوواره سو آلده اله اوستونه [قانانی سو آلدی، الی اوستونه]

یریندن قووزاده، یره یاتودده [یئریندن قاوزادی، یئره یاتیرتدی ]

 

اوردان چیخدیک، داما یوخاره گیددیک [اورادان چیخدیق، داما یوخاری گئتدیک ]

خدابخشه محله سینه گوردیک [خودابخشی یٶره سینی گٶردوک]

اوردا سویی یولون تنگ ایتمیشدیلر [اوردا سویون یولونو دار ائتمیشدیلر]

هاردا بیله بویوک سیل گورموشدولر [هاردا بئله بٶیوک قایان گٶرموشدولر]

 

سو قاییدیب اولرینه گیریبده  [سو قاییدیب ائولرینه گیریبدیر ]

خدابخشه معله سینه یخیبده [خودابخشی یٶره سینی ییخیبدیر]

بیرامعلی طووله سینه سو گیرده [بایرامعلی آخیرینا سو گیردی]

نچه دانا قویون قوزون اولدورده [نئچه سانی قویون قوزونو اٶلدوردو ]

 

کلب حسنی دووارلارونه یخده  [کلب حسنین هٶرگونلرینی ییخدی]

اطاقلارا گیرده، حاصاردان چیخده [اوتاقلارا گیردی، هٶرودن چیخدی]

هر یره پالچوخلاره دولدورموشده [هر یئره پالچیقلاری دولدورموشدو ]

سیل گیدمیشده، اورا ویران اولموشده [قایان گئتمیشدی، اورا ییخینتی اولموشدو]

 

آروات اوشاق ناراحت آغلیورده [آرواد اوشاق، دارقینج آغلاییردی]

اللر آچوب یوخاره قارقوشورده [اللر آچیب، یوخاری قارقیشیردی ]

بیزیم تافاقوموز نطر داغولده  [بیزیم توفاقیمیز نه تهه ر داغیلدی]

باخ گور قویونلاروم نطر بوغولده [باخ گٶر قویونلاریم نه تهه ر بوغولدو]

 

اوچ دانا بوغولموش قویون گوروردوم  [اوچ سانی بوغولموش قویون گٶروردوم ]

بیرینی بوینوندا مونجوخ سایوردوم  [بیرینین بوینوندا مینجیق ساییردیم ]

بو مونجوخله قویون قوربان مالیده [بو میجیقلی قویون، آداق مالییدی ]

سیل آی ناماز، قوربانه ده بوغوبده [قایان آنلاماز، آداغی دا بوغوبدور]

 

سیل یاغوشی توتلیگینه باشلاده  [قایان یاغیشی یئیینلییینه ن باشلادی] [٢٥]

آقایازلاخ دره سیندن داشلاده  [آغ آیازلاق دره سینده داشلاندی]

آمما او خولبونه توتانا لهنت  [آنجاق او سواولوغونو توتانا قارقیش] [٢٦]

سیل یولونا دووار چکه نه لهنت [سئل یولونا قانا چکه نه قارقیش]

 

[کوله اودگونوKülə Odgünü ]

کوله چارشانبا

 

من ایستیرم بوردا بیر پایا قویام  [من ایستیره م بورادا بیر دایاناق قویام]

تورکون شعرین درریسینه من سویام [تورکون قوشوغونون دریسینی من سویام]

بوغارسوقون ال دوورونه چولییام [باغیرساغینی ال چئوره سینه چولغایام] [٢٧]

پوف دنگینه پوفلیم و دولیام  [پوف دنگینی ؟ پوفله یه م و دولدورام] [٢٨]

                                                                        

کوله چارشانبادا داما چیخاردیک [کوله اودگونونده داما چیخاردیق]

اوچ دورد کومما چوب چیلککه قویاردیک [اوچ دٶرد کوما چٶپ چیله ک ؟ قویاردیق] [٢٩]

بیر دامجه نفت سپردیک اوت ووراردیک [بیر دامجی یئریاغی سپه ردیک، اود ووراردیق]

اوتلار اوستوندن بیر بیر آتتولاردیک [اودلار اوستوندن بیر بیر آتلایاردیق ]

 

دادام دییر بو ایشلر جایز دگیل  [دده م دیییر بو ایشلر تابقین دئییل ]

بیزنده اونا بو سنت ده، دیردیک [بیز ده اونا بو گله نه کدیر دیییردیک ]

ننه م اته گینده فرخه گتیرده  [ننه م اته یینده فرخی؟ گتیردی] [٣٠]

چنگه چنگه قارا فرخه یی یردیک [توتام توتام قارا فرخی ؟ یییه ردیک]

 

مامود بولاغیMamud Bulağı

 

مامود بولاغی دره سه هارداده؟ [مامود بولاغی دره سی هاردادیر ]

قوش دره نی بو یان کنارون داده [قوش دره نین بو یان قیراغیندادیر ]

قوش دره دن بیر سو گلر بیر ورگه  [قوش دره سیندن بیر سو گله ر بیر ورگه ] [٣١]

سو آچارلار رعیتچیلر گوللره [سو آچارلار ایرقاتلار گٶللره ]

 

دگیرمان دره سیندن سیل چوخ گلر [ده ییرمان دره سیندن قایان چوخ گله ر ]

گوللری آرخونه اوردا سیندیرر [گٶللرین آرخینی اورادا سیندیرار]

سیلاب گلیب گیچر گیدر یولونا [قایانسو گلیب گئچه ر، گئده ر یولونا]

گللر آرخونا شین ماسا دولدورار [گٶللر آرخینا قوم، قاییر دولدورار]

 

باراتعلی داما چیخر جار چکر [باراتعلی داما چیخار، جار چکه ر ]

آهای ملت قوش دره دن سو گلر [آهای ائلگون، قوش دره دن سو گله ر ]

هرکس بیر بیل آلار بیر دسمال چورک [هر کس بیر بئل آلار، بیر یاغلیق چٶره ک]

رعیت یقیلر قوش درییه گیدر [ایرقات ییغیلار، قوش دره یه گئده ر]

 

مامود بولاغونی یدده دره سی [مامود بولاغینین یئددی دره سی ]

گوگرچینی، ککلیگی و فره سی [گٶیه رچینی، ککلییی و فره سی ]

چیمنلر ایچینده پوینا تره سی [چمنلر ایچینده یارپیز تره سی]

چومچه قاشوق قوباغانی ببه سی [چٶمچه قاشیق قورباغانین ببه سی ]

 

من و نورددین و عبدوللا گیددیک [من و نورددین و عبدوللا گئتدیک]

بابام چاقورورده، بیزده ایشیددیک [آتام چاغیردی، بیز ده ائشیتدیک]

اینکلره چیمندلرده بوراخدیک  [اینه کلری چمنلرده بیراخدیق]

یاواش یاواش بایورلارا چیخیردیک [یاواش یاواش باییرلارا چیخیردیق ]

 

اوگون بیر الوان چاناخ تاموشدیک  [او گون بیر آلاجا چاناق تاپمیشدیق]

عتیقه بیر چاناخ گمان ایتمیشدیک [بایری بیر چاناق سانمیشدیق]

آستوندا بیر دانا ایلان یاتموشده  [آستیندا بیر سانی ایلان یاتمیشدی ]

ایلانا باخ بیز چوخ اوندان قورخموشدیک [ایلانا باخ، بیز چوخ اوندان قورخموشدوق ]

 

بیر داش گتددیک، چاناق اوستونه ووردیک [بیر داش گتیردیک، چاناق اوستونه ووردوق ]

گمان ایتدیک او ایلانه اولدوردیک [ساندیق او ایلانی اٶلدوردوک]

داش ووردیک و او چاناقه سیموشده  [داش ووردوق و او چاناق سینمیشدی]

دیمه او لانجون توسباقا قالموشده [دئمه او ؟ توسباغا قالمیشدی] [٣٢]

 

او زامانلار بیز لاک پشته سوومزدیک  [او چاغلار بیز توسباغانی سئومه زدیک] [٣٣]

بیر داش ووردیک لاک کونه ده سیندیردیک [بیر داش ووردوق قینینی دا سیندیردیق]

 

[کیکیرگه ییغماKikirgə Yığma ]

کتیرا چینی

 

گونلر بوغازون تیغ وورموشدولار [گوه نلر بوغازینی اولگوجله میشدیلر] [٣٤]

چیخن کتیراسونه بیز یغیردیک [چیخان کیکیرگه سینی بیز ییغاردیق]

یغیلن کتیرالاره او گون بیز [ییغان کیکیرگه لری او گون بیز]

کوینکلریمیز جیبینه توکوردیک [کٶینه کلریمیزین یانجیغینا تٶکوردوک]

 

بسکه گزدیک دولاندیک سوسوز اولدیک [او دنلی گزدیک دولاندیق سوسوز اولدوق]

اگیلیب آرخلاردان بوز سو ایچیردیک [اه ییلیب آرخلاردان بوز سو ایچیردیک ]

بیز بیلمه دن کتیرانی توکوردیک  [بیز بیلمه دن کیکیرگه نی تٶکوردوک]

تامام کیتیرالاره بیز ایتیردیک [بوتون کیکیرگه لری بیز ایتیردیک]

 

بابام تقی یانونا بیز قاییددیک  [آتام تاقی یانینا بیز قاییتدیق]

اینکلره چیمنلردن یغیردیک [اینه کلری چمنلردن ییغیردیق]

بابام اوردا اوت و علف دریرده  [آتام اورادا اوت و یونجا دریردی]

بیز گورنده سکینه دن اوخورده  [بیزی گٶره نده سکینه دن اوخوردو]

 

ای عموجان من سوسوزام دیییرده [ائی آباقا جان، من سوسوزام دیییردی]

ای عموجان سو ایسته رم اوخورده [ائی آباقا جان، سو ایسته ره م اوخوردو]

اوراخچا الینده یونجا بیچیرده  [اوراخچا الینده یونجا بیچیردی ]

ای عموجان من العطش دیییرده [ائی آباق جان، من العطش دیییردی]

 

  [١٣٨٣یئنی ایلینین او قارلی گئجه سی1383 Yeni İlinin O Qarlı Gecəsi ]

(آن شب برفی سال نو ۱۳۸۳)

 

ینگه ایلی باهاروندان بللیده  [یئنگی ایل یازیندان بللیدیر ]

بوردان اورا گادومونان اللیده [بورادان اورا اللی آددیم ایدی] [٣٥]

قار گلیب بیر میزان کورک بویوندا [قار گلیب ایریمله بیر کوره ک بویوندا] [٣٦]

قاری بویه متره گلسه اللیده  [قارین بویو، مئتره گلسه اللییدی]

 

هاوا بو بیرام چوخ قاروشوخ اولوب  [تنه ک بو بایرام چوخ قاریشیق اولوب]

مسافر زاد چوخلار یولا چیخمایوب [یولچو نمه چوخلاری یولا چیخماییب]

بیر ده که بیرام موحرم قاروشوب [بیر ده بایرام محررم قاریشیب]

مسافرلر هرکس اووونده قالوب [یولچولار هامی ائوینده قالیب]

 

بیز گلن گیجه چوخ سخت قار گلیرده [بیز گله ن گئجه چوخ آغیر قار گلیردی]

فیریللانورده جاده یه سپیرده [فیریللانیردی، سورله یه سپیردی]

یوله تامام توتوب یول گورسنمیرده [یولو بوتون توتوب، یول گٶرسه نمیردی]

جعده نم نم او قاردا گیزله نیرده [سورله ک یاواش یاواش او قاردا گیزله نیردی] [٣٧]

 

بیز قورخا قورخا او گیجه یول گلدیک [بیز قورخا قورخا او گئجه یول گلدیک]

یاواش یاواش ایمام پیچین دولاندیک [یاواش یاواش ایمام بوروغون دولاندیق]

سوماووردا یول کاملن ایتمیشده [سوماووردا یول بوسبوتون ایتمیشدی]

قار الینده هرکس اووونه گیتمیشده [قار الیندن هامی ائوینه گئتمیشدی]

 

اوردان گیچدیک فضل آبادا چاتاندا [اورادان گئچدیک، فضل اووایا چاتاندا]

قار سپیرده داغدان او کد باتاندا [قار سپیردی داغدان، او کند یاتاندا؟] [٣٨]

بیر اتوبوس روبرودان گلیرده [بیر اوتوبوس قانشاردان گلیردی]

گلده گیچده قالدان اونی ایزیده [گلدی، گئچدی، قالان اونون ایزییدی]

 

بو اوچونجی دفعه یده قاردا قالدیک [بو اوچونجو یولدو، قاردا قالدیق]

یاواش یاواش بو قاره دا آتلاتدیک [یاواش یاواش بو قاری دا آتلاتدیق]

بیر گیجه سی چهل دختردن گیچیردیک [بیر گئجه سی قیرخ قیزدان گئچیردیک]

کرد کوی شهرینده تویا گیدیردیک [کوردکوی اوروندا تویا گئدیردیک]

 

بیر گیجه ده سمناندا اولان ایللر [بیر گئجه ده سیمناندا اولان ایللر]

همکارونان بیارجمنددن گلیردیک [ایشدشینه ن بیارجمند´دن گلیردیک]

من سوروردم لندرووره مینیردیک [من سوروردوم، لندرووئره مینیردیک]

گیجه میامی شهرینده قالوردیک [گئجه ؟ اوروندا قالیردیق] [٣٩]

 

هاوا قیشده چوخ متلاطم اولار [تنه ک قیشدا ؟ چوخ اولار]

بی احتیاطلیک آداما زار گلر [ساخینیمسیزلیق یالینیغا ؟ گله ر]

اجل هر یایدا یا هر قیشده گلسه [اٶلوم هر یایدا، هر قیشدا گلسه]

دونیا او گون آدام اوچون دار گلر [دونیا او گون یالینیق اوچون دار گله ر]

del.icio.us  digg  newsvine  furl  Y!  smarking  segnalo